Válgaprográmma 2023-2027
Kárášjogas mii loaktit ja ovdánat ovttas
Boahtteáiggi báikegottit
Kárášjohka lea ebmos Sámi gielda gos lea nana ja ealli sámegiella ja –kultuvra, gos lea rabas searvevuohta ja maiddái láhččojuvvo dáro- ja eará gielaid ja kultuvrraid áimmahuššamii. Mii leat rápmásat min máŋggakultuvrralaš birrasiin maid dáhttut ain ovddidit lunddolaš guovddážiin ja bálggesčuovgan Sámi ásahusaide.
Mii bargat ain Boahttevaš Kárášjoga hárrái.
Jienas Bargiidbellodaga jus liikožat dása.
Bargosajiid ja buori bargodili háhkan
Kárášjoga gildii lea dehálaš háhkat bargosajiid ja buori bargodili. Kárášjoga Bargiidbellodat atná dehálažžan fuolahit buohkaide barggu ja ollesáigge barggu buohkaide geat hálidit.
- Mii bargat ain ásahit ollesáiggekultuvrra geahpedit dáhtokeahtes oasseáigebarggu gielddas
- Mii bargat árjjalaččat rekruhttet gielddalaš doaimmaide fidnooahppiid ja hárjehallansajiid
- Mii dáhtošeimmet eambbo nuorra rávesolbmuid máhccat Kárášjohkii go leat gárvvistan oahpuideaset, ja nu lágidivččiimet sidjiide viessosajiid ja mánáidgárdesajiid
- Min dáhttu lea dahkat Kárášjoga geasuheaddji gieldan ealáhusdoaimmaide dainna ahte ásahit ođđa bargosajiid ja leat isitgieldan almmolaš ásahusaide
- Mii ain bargat ahte Sámi mánáidviessu ja riikkadási Sámi roassoguovddáš ásahuvvo Kárášjohkii ollislaččat
- Mii bargat heivehallat girdiruvttuid ja busseruvttuid gaskal Kárášjoga ja Leavnnja
Ealáhusdoaibma
Kárášjoga Bargiidbellodat dáhttu nannet ja ovddidit ealáhusdoaimmaid gielddas. Mii áigut dahkat buriid rámmaeavttuid nannet dálá doaimmaid, ja nu maiddái ođđaásahemiide gielddas.
- Mii bargat ahte nannet báikkálaš ealáhusfoandda ja atnit erenomáš fuola ođđaásahemiide
- Mii bargat ahte gielda ovddemustá gávppaša/ atná báikkálaš bálvalusaid
- Mii dáhttut lágidit ja movttiidahttit nuoraid geat dáhtošedje ásahit ođđa bargosajiid
- Mii doarjut eanadoalu ovdánahttima servodatrievdadusaid olis ja maiddái doarjut ja bagadat ođđaásahemiid eanadoalus
- Mii fertet boazodolliide váfistit dássedis ja diehttevaš njuovvanvejolašvuođaid
- Mii dáhttut bargat ásahit boazodollui fuođardoarjjaortnegiid goavvejagiin
- Mii dáhttut lágidit lotnolas- ja luondduvuđotealáhusaide
- Mii dáhttut ásahit vuođđoealáhusaide mátkkoštandoaimma
lassiealáhusvejolašvuohtan
- Mii bargat lasihit ovttasbarggu mátkkoštandoaibmalágideddjiid
gaskkas
- Mii váikkuhivččiimet oalgguhit ođđaásahemiid virolaš
giehtadoaimmalaččaide ja designeriidda
- Ealli ealáhusdoaimmaid váfisteami dihtii mii bargat árjjalaččat
eastadit gávpesuođđama
Dálkkádat ja luondu – rámma buot politihkkii
Kárášjoga Bargiidbellodat atná fuola áimmahuššat luonddu ja dálkkádaga. Luondu lea dehálaš bealli buot Kárášjoga gieldda ássiide. Mii lágidat buriid luonddugeavahaneavttuid sihke ássiide ja ealáhusdoaimmaide. Mii nannet dálkkádathástalusaid čalmmustahttima dáfus.
- Mii dáhttut dahkat buriid guottuid ja doaibmabijuid čorgadat Kárášjoga hárrái
- Bievlamáđiid buorideami dáfus mii dáhttut ovttasbargat báikkálaš eaktodáhtolaš doaimmaheddjiiguin
- Mii bargat ain dan ala ahte skohterláhttut galget vuolgit ássanguovlluin rabas luottaide
- Mii doaimmahivččiimet buori gulahallama ássiid ja ealáhusdoaimmaid gaskka, vai buohkat sáhtašedje atnit luonddu áhpásmahttimii, báikkálaš meahcásteapmái ja boazodollui
- Mii váikkuhivččiimet váfistit báikkálaš, ceavzilis luossanáli hálddašeami ja eará luondduvuđot ealáhusaide
- Mii bargat lágidit báikkálaš meahcásteami hárrái
- Dálkkádatulbmiliid olaheami dáfus livčče leamaš dárbu gielddalaš biillaid dađistaga lonuhit boaldámušbiillain
- Gieldda visttiid mii vuoruhat beavttálmahttit energiijageavaheami ođasmahtti energiijavugiin
- Boahttevaš birrasa olis mii bargat energiijabeaktovisttiid ala
Buohkaide buorre dearvvasvuohta ja eallindássu
Dearvvasvuohta ja eallindássu lea guovddážis buot ássiid beaivválaš dilis. Dearvvasvuođadillái ferte atnit fuola váfistan dihtii guhkes ja buori eallima. Kárášjoga Bargiidbellodat dáhttu nannet álbmotdearvvasvuođa čalmmustahttima ja fállat buriid dearvvasvuođabálvalusaid. Buorre álbmotdearvvasvuohta lea dehálaš earret eará boarrásiidbáru dárbbuid deaivvadettiin.
- Mii gozihat ođđa dearvvasvuođaguovddáža barggu mii álggahuvvo maŋimustá 2024
- Min dáhttu lea ovttastahttit ambulánsabálvalus- ja fáhkkabuohccisajádaga ođđa dearvvasvuođaguovddážii
- Mii dáhttut nannet dearvvasvuođa- ja fuolahusbálvalusa ođđa buresveadjinteknologiijain vai eambbosat sáhtašedje guhkit orrut ruovttus
- Mii dáhttut nannet eastadanbargguid ja maiddái nannet psyhkalaš dearvvasvuođa ja gárrenvuođa fálaldaga
- Mii dáhttut buoridit ovttasbarggu ja ovttasdoaimma spesialistadearvvasvuođabálvalusain nannen dihtii dearvvasvuođafálaldaga ássiide
- Mii dáhttut bargat eastadeaddjibarggu boarrásiid psyhkalaš ja rumašlaš dearvvasvuođa hárrái, earret eará ovddidit boarrásiidda buoret fálaldaga beaivveguovddášfálaldagain ja deaivvadansajiid ruovttus ássi boarrásiidd
- Boarrásiid eastadanbarggus mii doaimmahat doarjjaortnetdieđuid iežat ásodaga lágideapmái ja dearvvasvuođa ovddidan doaibmafálaldagaid hárrái
- Mii ohcat ovttasbarggu oahppaásahusaiguin álggahit gáiddus buohccedivššároahpa Kárášjohki
- Mii doarjut Sámi klinihka ovddidan- ja áimmahuššanbarggu, ja ovttasbargat árjjalaččat klinihkain ovddidit dan oppalaš dearvvasvuođafálaldaga gielddas
- Mii veahkehat ja doarjut Sámi klinihka barggu ahte oažžut CT- røntgenbarggu ja Sámi veajuidahttinfálaldag
Buorre bajásšaddan bistá eallima čađa
Mánáidgárddiid ja skuvlafálaldagat vuođđuduvvo ja áimmahuššojuvvo Sámi árvo-, vierro- ja máilmmigovvapedagogihkkii. Kárášjoga Bargiidbellodahkii lea dehálaš ahte mánát ja nuorat vásihit Kárášjoga gieldda buori ja dorvvolaš bajásšaddansadjin. Go mánát ja nuorat vásihit buori ja dorvvolaš bajásšaddama, de váikkuha dat ahte eambbo nuorat máhccet báikegoddái go gárvvistit oahpaset.
- Mii gozihat ođđa vuođđoskuvlla huksenbargguid mii álggahuvvo maŋimustá 2024
- Mii atnit fuola addit Sámi giellaoahpaheapmái buori dásu, vai maiddái dat mánát geain sámegiella ii leat eatnigiella ovdánivčče bures sámegielas
- Mii hoahpuhat addit árra doarjaga mánáidgárdde- ja vuođđoskuvlamánáide geat dárbbašit lassi veahki ja doarjaga
- Skuvlamovttiidahttimis mii bargat ovddidit váhnenbagadanfálaldaga ja givssidaneastadeami doaibmabijuid
- Mii veahkehat ovddidit ain ráđđeaddinbálvalusa, dearvvasvuođabuohccedivššárbálvalusa ja PPB:a gelbbolašvuođaovddideami doaibmabijuin mat ovddidivčče psykososiála birrasa mánáidgárddiin ja skuvllas
- Mii bargat nannet amasgiela oahppafálaldaga nuoraidskuvllas
- Dábálaš vuođđoskuvlafálaldagas mii ovddidat ain
kulturskuvlafálaldaga ja ohcalat stuorát ovttastahttima NKČ:ain(UKM)
- Ovttasbargat NAV:ain eastadit mánáidgeafivuođa
- Geavahit árjjalaččat doaibmankoartta dahkan dihtii mánáide ja nuoraide vejolašvuođa oasálastit organiserejuvvon faláštallamis ja kulturdoaimmain